Ако сте од оние на кои секогаш овошјето или зеленчукот им скапува во фрижидерот, пред воопшто да стигнат да го изедат, па со грижа на совест го фрлаат во ѓубре – знајте дека на тоа му дојде крајот.

Триковите кои ги знаат домаќинките се често многу поделотворни од сите купeчки средства и се многу практични за применување.

Поради настанатата ситуација, овошје и зеленчук купуваме во поголеми количини, но често се случува тоа брзо да скапе или да се муфлоса па мораме да го фрлиме. Ниту фрижидерот не е спас за ова, па на крај овие намирници ни завршуваат во отпадот. А зошто тоа да е така, кога имаме едно супер решение?!

Дали сте слушнале за трик со сунѓери?

Значи се што е потребно е да купите три најобични кујнски сунѓери и да ги ставите во фиоката или преградата каде што држите овошје и зеленчук. Важно е сунѓерите да ја покријат целата површина.

Намирниците наредете ги врз сунѓерите.

Преку сунѓерите ќе се апсорбира вишокот влага и тоа одлично ќе го забави скапувањето.

Вреди да пробате, зарем не? Признајте дека подобро е да купите три сунѓери отколку постојано да фрлате скапани намирници во ѓубре.