Спортскиот директор на Кошаркарската федерација на Македонија Тодор
Гечевски смета дека за пласман на ЕП 2022 ни недостигаше малку среќа.
Разочан е што Македонија не обезбеди пласман на ЕП, но ако се суди
според она што го покажа нашиот тим на овие квалификации, со правилна
работа, репрезентацијата може да се надева дека ќе избори пласман на
некое до следните големи натпреварувања.
– Малку среќа ни недостигаше да се пласираме на ЕП. Сите
репрезентативци го дадоа својот максимум, тука немам замерки. Таа прва
средба со Естонија во Скопје (февруари 2020, кога изгубивме со 72-81 н.з.),
тоа е најголемата причина што не се пласиравме на ЕП. Имавме императив
во вториот меч со Естонија (во Перм минатиот понеделник н.з.) да
победиме со двоцифрена разлика. Да ни требаше само победа, ќе беше
многу подобро, немаше да има толкав пристисок врз играчите и ќе отвореа
многу подобро – вели Гечевски.

– Со Естонија во Перм послабо го почнаве мечот, од две причини. Влијаеја
притисок од важноста на натпреварот и исцрпеноста на тимот кој пред тоа
имаше три средби – вели спортскиот директор за мечот што го добивме (84-
82), но не обезбедивме двоцифрена разлика што ќе значеше пласман на
ЕП.

– Се на се, ние сме задоволни од пристапот на играчите и гледаме дека
имаме потенцијал да се најдеме на следните поголеми натпреварувања.
Планираме да посветиме повеќе време за работа со младите играчи. Ќе ги
пријавиме сите возрасни категории, мажи и жени, за меѓународните
натпревари. Од она што го видовме, имаме уште неколку млади играчи кои
покажуваат дека имаме светла иднина – вели поранешниот
репрезентативец, кој ја коментира и измената во физиономијата на тимот.
– Лидер на тимот сè уште е Војдан, но според она што го прикажа на
квалификациите Ненад Димитријевиќ ќе прерасне во нов лидер на
репрезентацијата – смета спортскиот директор. Македонија в лето ја
очакуваат и претквалификации за пласман на СП 2023.

– Што се однесува до планот за настапите на претквалификациите за
Светското првенство, ќе го видиме извештајот на селекторот за минатите
квалификации и ќе направиме план за она што следува- вели Гечевски.

На селекторот Александар Тодоров му истече договорот со завршување на
квалификациите за ЕП 2022, а КФМ треба да донесе одлука дали ќе го
продолжи. Според Гечевски, нема да се брза со одлуката.
– Договорот на селекторот беше поврзан со пласманот на ова ЕП. Но ќе
почекаме, да не одлучуваме на брзина. Ќе поразговараме и ќе видиме што
ќе биде во иднина – вели спортскиот директор.