Спортинг го прецени Фернандеш, 80 милиони се премногу за Јунајтед!
Никако успешно да завршат преговорите за трансфер на Бруно Фернандеш од Спортинг во Манчестер јунајтед, пренесуваат британските медиуми.
Во овој момент како што пренесуваат од „Би-Би-Си“, „црвените ѓаволи“ не се подготвени да одвојат 80 милиони евра за услугите на Фернандеш.
Иако сите очекуваа дека без проблеми 25-годишниот фудбалер ќе се пресели оваа зима на „Олд Трафорд“, ќе мора да се почека уште малку, односно се најавува дека преговорите ќе продолжат во наредната седмица.
Управата на Јунајтед нема да преговара сè додека цената која што ја бараат Португалците не биде намалена.
Претходно се шпекулираше дека Фернандеш има договор со Јунајтед кој ќе го плаќа шест милиони евра годишно до 2025.
Станува збор за играч кој настапува во средниот ред, еден дел од кариерата го помина во Италија (Новара, Удинезе, Сампдорија), а во Спортинг во чии редови е македонскиот репрезентативец Стефан Ристовски, дојде за осум и пол милиони евра од Џенова.