Левски му се реваншира на МЗТ Скопје за вчерашниот пораз
И вториот дуел меѓу овие две екипи кој се одигра во СЦ „Јане Сандански“, исто како и синоќешниот, се одигра без присуство на публика, но овој пат славеше бугарскиот тим и тоа со 88:90.
За разлика од првиот дуел, на овој, гостите од Софија играа доста подобро. Имаа предност и од осум поени (33:25), во 13.минута, а две минути потоа, и уште повисоки (39:30), односно (41:32), за првото полувреме да заврши со предност на Левски Лукоил од 50:44.
Гостите водеа се до 37.минута, кога Гетчер погоди за три поени и му донесе минимално водство на МЗТ Скопје Аеродром од (79:78). Но само за кратко, затоа што Петков „врза“ пет поени во серија, а „сините“ излегоа како победници во „пенал-завршницата“.
Седуммина домашни кошаркари завршија со двоцифрен број на поени. Најмногу постигна Бојиќ 20 поени, Гравет даде 13, еден помалку реализираше Гетчер, по 11 репрезентативците Стојановски, Магдевски и Николов, а уште десет дојдоа од Крстевски.
Кај Левски Лукоил, Добро беше изданието на Јордан Минчев. Некогашниот играч на МЗТ Скопје Аеродром. Финишираше со 24. поени, додека 21 постигна Тасиќ, а еден помалку Петков.
