Роберто Манчини, ново крунисаниот европски шампион со италијанската репрезентација, во интервјуто за „Спорт1“ откри дека смета дека Англичаните, ривали на Италија во финалето, не требало ни да стигнат до таа фаза.

Коментирајќи го вториот по ред турнир на кој германската репрезентација потфрли, стратегот на Италија истакна:

– Искрено, не знам што може Германија. Тие се и натаму огромна фудбалска нација за мене. Тие секогаш имаат добра репрезентација и одлични играчи, како и врвни тренери. Но, секој тим треба да го најде својот пат, бевме во слична точка пред три години – рече Манчини.

Во големото финале Италија ја совлада Англија на пенали со резултат 3:2, а во осминафиналето Англичаните на „Вембли“ со 2:0 ја елиминираа Германија.

При негатива од 1:0, Германија имаше прекрасна можност во финишот да израмни, но Милер ги разочара навивачите со неверојатното промашување.

– Искрено, Германците не заслужија да испаднат против Англија. Тие одиграа одлично ибеа дури и подобар тим – додаде италијанскиот селектор.