Споменик на Тито ишаран со усташки симболи на 80-годишнината од антифашистичката борба
Хрватска денеска одбележува 80 години од антифашистичката борба во Пула, каде се наоѓа споменикот на претседателот на поранешната СФР Југославија, Јосип Броз Тито. Споменикот бил ишкртан со усташки симболи, со натпис ,,Павеличев парк“.
Прешкртан е дел од споменикот кој ги одбележува жртвите на фашизмот, а на самиот споменик е напишан усташката буква ,,У“. Градоначалникот на Истра, Борис Милетиќ изјави дека Пула денеска сведочи срамен чин.
,,Сведочиме срамен чин веќе втор пат во последниве дваесет денови, и тоа, за жал, на ден кога во Истра и целата земја се одбележува Денот на антифашистичката борба“– изјави Милетиќ.
Тој потсети дека во 90-тите години во Хрватска се уништени и оштетени преку 3.000 партизански споменици.