Сплетки: На дружба со Дел Бој – Слободен печат
МагазинФилм и ТВ

Сплетки: На дружба со Дел Бој

Организаторите објавија дека на непозната локација ќе се реконструира станот на семејството Тротер, во кој актерот ќе ги пречека фановите

Дејвид Џејсон е подготвен да ја повтори својата култна улога на ликот Дел Бој од хумористичната серија „Сплетки“. Сепак, нови епизоди од серијата нема да се снимаат, туку Џејсон ќе разговара со неколку среќни фанови, кои ќе бидат одбрани за овој перформанс.

Организаторите објавија дека на непозната локација ќе се реконструира станот на семејството Тротер, во кој актерот ќе ги пречека фановите.

„Едвај чекам да се видам и да разговарам со нашите фанови – изјави Џејсон.

Последен пат Џејсон се најде во улогата на Дерек Дел Бој Тротер во новогодишниот специјал прикажан во 2014 година, а иако од повеќе страни беше шпекулирано дека ќе има нова сезона од „Сплетки“, неговиот партнер во серијата, Николас Линхрст тоа веќе јавно го демантираше. Линдхрст, кој го толкуваше ликот на Родни, помладиот брат на Дел Бој, порача дека нема никаква смисла да се продолжи снимањето, бидејќи креаторот на шоуто Џон Саливан почина.

– Едноставно не можеме, Џон повеќе не е со нас. Тој беше водечката сила на серијата и без него ќе биде невозможно да се продолжи – изјави Линхрст, кој во истото интервју забележа дека со Џејсон се гледаат често, среќавајќи се на погребите на нивните поранешни соработници.

Дружењето со Дел Бој ќе се одржи наредната година, кога ќе се одбележат 40 години од првата сезона на „Сплетки“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close