Стефан Спировски одигра скоро 13 минути во ремито на нашата А селекција на гостувањето кај Израел (1:1), а денеска како што информираат израелските медиуми, после успешните лекарски прегледи утринава, прифатил договор на две години со екипата на Хапоел Тел Авив.

Според договорот ќе заработи 315.000 илјади евра, во првата година ќе добие 150.000, а во втората 165.000 илјади.

Stefan Spirovski has signed with Hapoel Tel Aviv. The North Macedonia midfielder was with his National Team last night vs Israel. https://t.co/B7WaVDZbEA

— Israel Sports Rabbi (@thesportsrabbi) September 6, 2019

После одигрувањето и на квалификацискиот дуел против Летонија во Рига в понеделник, се очекува нашиот интернационалец да се врати во Израел и им се приклучи на своите нови тимски колеги.

– Јас сум играл во Израел неколку пати, атмосферата тука е добра – вели Спировски.

За својот досегашен клуб Ференцварош од Унгарија од 2017 година имаше 40 натпревари и пет голови. Во кариерата беше дел уште од битолски Пелистер, Борац Чачак, Работнички, Берое Стара Загора и Вардар.