Македонскиот репрезентативец се раздели со израелскиот фудбалски клуб Хапоел Тел Авив (со кој имаше договор до 30 јуни 2022 година) и во наредниот период ќе бара нова средина.

– Бевме многу поврзани со Стефан, лично и професионално, и покрај недоразбирањата на почетокот. Како што поминуваше времето, тој го разбираше своето место и успеа да остави трага во тимот. Тој е многу високо квалитетен играч, го сакаме и ја разбираме неговата тешкотија и таа на неговото семејство особено во овој период на неизвесност и затоа дојдовме до раскин на договорот. Му посакуваме многу среќа после раѓањето на неговиот прв син и секако многу успех во професионалната кариера – вели еден од претставниците на сопственикот на клубот, Моше Синаи.

Оваа сезона во најдобриот израелски шампионат за Хапоел Тел Авив нашиот интернационалец имаше 21 настап и три голови. 29-годишниот играч од средниот ред пред да се пресели во Хапоел Тел Авив, беше дел од Пелистер, Борац Чачак, Работнички, Берое, Вардар и Ференцварош.

За нашата најдобра фудбалска репрезентација има 31 меч и еден гол во пријателскиот натпревар пред три години во Скопје против Белорусија (3:0).