Спектакл во Мелбурн: Кирјос си закажа дуел со Надал
Познати сите двојки за осминафиналето и во машка и во женска конкуренција.
Миленикот на публиката во Мелбурн, Ник Кирјос, во неверојатен меч го победи Русинот Карен Качанов со 3:2 во сетови и си закажа дуел со Рафаел Надал во осминафиналето на Австралија Опен
Кирјос имаше предност од два сета, но потоа се разбури Русинот и наредните два сета ги доби во тај брејк. Токму тај брејкот на крајот го одлучи победникот, бидејќи и во решавачкиот петти сет се играше тај брејк.
Но, за разлика од претходните два сета, овој пат Кирјос освои сетот, што воедно значеше и конечен тирумф од 6:2,7:6,6:7,6:7,7:6 и пласман во осминафинаето каде го очекува првиот носител, Рафаел Надал.
Пласман во осминафиналето обезбеди и Данил Медведев кој беше поуспешен од домашниот тенисер Алексеј Попирин. Четвртиот носител на Австралија Опен славеше со 6:4,6:3,6:2 за 104 минути игра.
Негов противник во осминафиналето ќе биде поранешниот шампион на Австралија Опен, Станислас Вавринка, кој имаше водство од 6:4,4:1, кога неговиот противник Џон Изнер мораше да го предаде мечот поради повреда.
Александер Зверев за неполни два часа со 6:2,6:2,6:4 го совлада Фернандо Вердаско и во наредната рунда го очекува Анреј Рубљов.
Кај дамите, петтата носителка Елена Свитолина е елиминирана Гарбине Мугуруза во два сета (1:6,2:6).
Двојки за осминафинале:
Мажи
Рафаел Надал – Ник Кирјос
Гаел Монфилс – Доминик Тим
Данил Медведев – Станислас Вавринка
Андреј Рубљов – Александер Зверев
Тенис Сандгрен – Фабио Фоњини
Мартон Фучович – Рожер Федерер
Милош Раонич – Марин Чилиќ
Диего Шварцман – Новак Ѓоковиќ
Жени
Ешли Барти – Алисон Риске
Марија Сакари – Петра Квитова
Кори Коко Гоф – Софија Кенин
Онс Жабер – Кианг Ванг
Анет Контавеит – Ига Свиатек
Елиз Мертенс – Симона Халеп
Гарбине Мугуруза – Кики Бертенс
Анџелик Кербер – Анастасија Пављученкова