СПЕКТАКЛ НА НЕБО: Неверојатни снимки од затемнувањето на сонцето (ВИДЕО)
Жителите на Јужна Америка имаа несекојдневна прилика да бидат сведоци на спектакуларна појава на небото – целосно затемнување на сонцето.
Феноменот го следеа илјадници луѓе кои се собраа за да бидат сведоци на истиот.
Затемнувањето почна од правец на Тихиот Океан, а појасот на видливото затемнување се протегаше над Чиле и Аргентина.
Како што јави Би-би-си, овој спектакл беа во можност да го набљудуваат и снимаат локалните ентузијасти, но, исто така, и најмоќните телескопи во светот.
Оние што го следеле ова затемнување можеле да уживаат во сите фази, проследени со неверојатни светлосни ефекти.
Првиот и единствен дел од Земјата во Тихиот Океан, кој се наоѓал на патот на затемнувањето бил малиот остров Оен.
Овој ненаселен остров бил во тотален мрак речиси три минути, вчера со почеток во 10.24 часот по локално време.