Владата предводена од СДСМ во минатите 4 години инвестираше 840.000 евра во 11 километри патна инфраструктура во општина Сопиште, изјави вечерва потпретседателот на СДСМ, Оливер Спасовски каде беше дел од маалска средба во оваа општина.

– Овде во Сопиште завршена е рехабилитација на регионалниот пат Сопиште – Долно Соње со должина од 3,7 километри за што вложивме 220.000 евра во 2020 година. Рехабилитиран е регионалниот пат Сопиште – Говрлево долг 7,20 км, за што издвоивме 620.000,00 евра во 2020 година. Она што го правиме како централна власт во овие четири години во сите области, придонесе денес нашите граѓани да имаат повисок животен стандард, да се отвораат нови работни места, а општините и регионите рамномерно да се развиваат, порача Спасовски.

Поради сето тоа, додаде Спасовски, но и поради најдобрата кадровска и програмска понуда СДСМ е фаворит на овие локални избори.

-Ја комплетиравме понудата на кандидати за градоначалници во 69 општини. Една од нив е и Сопиште општина која со години е запоставена од ВМРО-ДПМНЕ. Затоа за Сопиште имаме квалитетна силна понуда во кандидатот Сашо Стојановски кој многу добро знае што му треба на Сопиште кој е подготвен да работи посветено за своите сограѓани. СДСМ со Стојановски оди на победа на овие локални избори, заклучи Спасовски.

Извор: МИА