Спасовски: Сите предмети со висока корупција мора да имаат судска разрешница (ВИДЕО)
Кандидатот за пратеник и носител на листа во ИЕ2, Оливер Спасовски е на средби во скопската општина Гази Баба. Спасовски даде изјава за јавноста, во населба Железара во парк шумата кај фитнес центарот од Агенција за млади и спорт.
-Ги поставивме основите за правна држава и сега е на ред да се прочисти правосудството од корумпирани обвинители и судии. Покажавме дека нема како до пред три години нарачани пресуди, тефтерчиња, или ало судија, ние работевме на свеста и на одговорноста на извршаната власт. Никој да не посмили да се меша во работата на правосудната власт, како што се случуваше во мрачните времиња на режимот- рече Спасовски.
Го донесовме Законот за јавно обвинителство, потенцираше Спасовски, што гарантира дека сите предмети со висока корупција мора да имаат судска разрешница.
-Во нашата програма се обврзуваме на ред, дисциплина и правда. Прв приоритет е прочистување на судството, во коешто се наоѓаат остатоци од груевизмот. Судиите и обвинителите имаат обврска да испорачаат владеење на правото во коешто законот е еднаков за сите. Купување правда, монтирани случаи, жртви на режим, тоа е минато. Секој којшто ќе се дрзне да се меша во такво нешто, па дури и да се тоа судии и обвинители, ќе мора да се најдат под лупата на правдата- рече Спасовски.