Спасовски на средба со албанскиот амбасадор за перспективите на двете земји

На средбата, како што соопштуваат од владината прес-служба, е изразена заедничка определеност за натамошен развој на пријателските односи помеѓу двете држави, како придонес и кон добриот регионален развој и во духот на европските вредности.

Заложбите за побрз проток на луѓе, материјални добра, поефикасни услуги на граничните премини и интензивирањето на економската соработка се областите на кои се разговараше на денешната средба на претседателот на Владата, Оливер Спасовски со амбасадорот на Албанија во нашата држава, Фатос Река.

На средбата двајцата соговорници констатирале дека е неопходно, паралелно со заложбите и очекувањата на секоја од државите за исчекори во евроинтеграциите, да продолжи и регионалната економска соработка што е во директен интерес на сите граѓани во регионот.

На средбата, како што соопштуваат од владината прес-служба, е изразена заедничка определеност за натамошен развој на пријателските односи помеѓу двете држави, како придонес и кон добриот регионален развој и во духот на европските вредности.

– Остануваме посветени на одржувањето на мирот и стабилноста во нашата држава и во регионот, на развојот на добрососедските односи како со Република Албанија така и со сите други соседи, на развојот на концептот Едно општество за сите со еднакви права и одговорности на граѓаните од сите етнички заедници, на реформите, на развојот на економијата и на НАТО и на ЕУ интеграциите, коишто за нас немаат алтернатива, истакнал премиерот Спасовски.

Исто така, на средбата оценето е дека политиките на отворени врати на НАТО се придонес кон регионалната стабилност и безбедност.

Премиерот Спасовски изразил подготвеност за дополнителна поддршка на Албанија во справувањето со последиците од земјотресот на 26 ноември 2019 година во Драч.

Албанскиот амбасадорот изразил благодарност за брзата реакција на нашата држава во испраќањето луѓе и материјална помош, веднаш по земјотресот во Албанија и пренесе покана од премиерот Еди Рама за организираната донаторска конференција од страна на Европската Комисија во Брисел на 17 февруари 2020 година со цел, колку што е возможно, надминување на состојбите од земјотресот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот