Премиерот Оливер Спасовски преку својот фејсбук профил повика граѓаните да ја преземат апликацијата „Стоп Корона” која евидентира дали биле во непосредна близина со заболен од Ковид-19.

-Преземи ја апликацијата од https://stop.koronavirus.gov.mk/ и активирај Bluetooth. Кога вашиот телефон ќе се најде во непосредна близина со телефонот на лице заболено од КОВИД-19 кое исто така ја активирало апликацијата, оваа информација со ваша дозвола се евидентира во здравствениот систем, пишува Спасовски на фејсбук.

Како што наведува премиерот, „Стоп Корона” е мобилна апликација на Министерството за здравство, која откако граѓаните ќе ја симнат во својот мобилен, евидентира дали биле во непосредна близина на лице заболено од КОВИД-19 во изминатите 14 дена.