Спасиќ ќе го заверува првото место во Европа - Слободен печат

Спасиќ ќе го заверува првото место во Европа

Веројатно најуспешниот македонски кајакар во последниве сезони Љубомир Спасиќ е пред реализирање на својата неколкугодишна амбиција, да биде европски кајакар број еден во својата дисциплина. Спасиќ е моментно на врвот на Европската ранг листа во кајак на диви води, спуст и е на добар пат да се задржи таму до крајот на сезоната.
Повеќе сезони по ред Спасиќ ја истакнуваше својата амбиција, а сега дојде близу до нејзиното остварување.

Претстојниов викенд тој е на натпревар од Европскиот куп во Италија каде ќе се бори за влез во финалето. Ако тоа му појде одрака, ќе го обезбеди првото место на Европската ранг листа во кајак на диви води, спуст, за сезонава. Со тоа конечно ќе си го оствари сонот.

Прочитајте и...  Ливерпул ја користи кризата кај Сити, сака да ангажира две ѕвезди

– В сабота и недела ми е настапот. Очекувам финале и потврдување на првото место во генерален пласман за 2019 година на Европската ранг листа во кајак на диви води во спуст – ни изјави Спасиќ.
Во досегашниот тек на сезонава Спасиќ покажа дека е во извондредна форма, бележејќи одлични резултати во етапите од Европскиот куп.

– Досега се одржаа четири кола од европските купови, односно трките во Македонија, Словенија, Германија и Шпанија. На три од овие натпревари се пласирав во финалето, а само во Шпанија не успеав да влезам во финалната трка, и тоа за една секунда – објаснува Спасиќ.

Тој викендов ќе настапи во местото Пјатеда-Валтелина на реката Ада, на северот на Италија. Тоа е претпоследен натпревар од Европскиот куп. Но тоа е натпреварот на кој Спасиќ може да го „зацементира“ првото место во генерален пласман.

Прочитајте и...  „Адидас“ ја претстави топката со која ќе се игра финалето во ЛШ! (ФОТО)

– До крајот на сезоната се уште два натпревара, овој во Италија и финалето на 18 август во Чешке Буѓејовице (Чешка). Со добар пласман во Италија, или попрецизно, со пласман во финалето, ќе го обезбедам и потврдам првото место. Последниот натпревар во Чешка нема да има значење за мојот вкупен пласман – вели Спасиќ.

Ова е првпат Спасиќ да дојде само на чекор до обезбедување пласман на првото место на ранг листата на крајот на сезоната. Тој од 2015 година наваму постојано е во врвот, но, никогаш и на самиот врв. Во 2017 година беше четврти, минатата година ја заврши на шестото место.
Неколкуте години во европоскиот врв во кајак спуст не му донеле на велешанецот многу бенефити, но се надева дека тоа ќе се измени.

Прочитајте и...  Борусија Дортмунд го потврди трансферот на Џан

– Досега, искрено, овие резултати ништо не ми донеле. Но се надевам дека годинава спортските работници ќе го вреднуваат овој резултат и соодветно ќе ме наградат ако не за резултатот барем за времето и трудот – вели кајакарот, член на Арка-Борец од Велес.

Прочитај повеќе

Атлетико го најде лекот за Ливерпул, Халанд е вистинско фудбалско чудо

Слободен печат

Тенисот на Федерер е најубав за гледање, но Ѓоковиќ е најдобар на сите времиња

Слободен печат

Агаси дури четири пати беше допингуван и сетоа тоа беше заташкано

Слободен печат

Стартни постави за ЛШ: Клоп офанзивно во Мадрид

Слободен печат

Борусија Дортмунд го потврди трансферот на Џан

Слободен печат

Лотито: Сите сакаат да се прекине монополот на Јувентус

Слободен печат

Остави Коментар

4 × оне =

Прочитај повеќе

Два порази на ракометните надежи на Медитеранските игри

Слободен печат

Ѓоковиќ: Подготвен сум за најдобрата сезона во кариерата

Слободен печат

Ливерпул ја користи кризата кај Сити, сака да ангажира две ѕвезди

Слободен печат

Реал е виновникот за казната на Манчестер сити?!

Слободен печат

Бразилецот Рејнер до 2026 година во Реал Мадрид! (ВИДЕО)

Слободен печат

Нов голем удар за Жозе Мурињо и Тотенхем

Слободен печат