9.2 C
Скопје

Спас во последен час: Од преварениот зеленчук можете да подготвите вкусен оброк

Сигурно ви се случило да се решите да подготвите здрав оброк од зеленчук, но обидот завршува катастрофално поради една мала грешка со времетраењето на готвењето. Иако нема ништо полошо од преварен зеленчук и во прв миг помислувате да го фрлите, не се откажувајте, искористете некоја од следните идеи и подгответе поинаков оброк.

Без разлика дали сакате да потпечете карфиол, бланширате тиквички, да сварите брокули или само да обарите на пареа шпаргли, ако го погрешите времето на нивното готвење, може да дојде до кулинарска катастрофа. Еден од триковите кој искусните готвачи го користат во ваква ситуација е префрлање на преварениот зеленчук во „ледена бања“ т.е. сад со вода и мраз, за да се сопре процесот на готвење и малку да се стврдне зеленчукот. Но, овој метод успева само со обарен зеленчук, а не и со бланширан или грилуван. Ако при готвење ви се случи зеленчукот да е толку мек што му нема спас, не откажувајте се од него, бидејќи сè уште имате неколку опции.

Прочитајте и...  ФОТО | Имот кој зрачи со елеганција во бохо стилот според вкусот на неговата сопруга: Славниот Меј Дејмон ја продава својата луксузна вила за 21 милион долари

Сварете супа

Преварените брокули, тиква, моркови ве тераат да ја отворите кантата и да ги фрлите во неа. Но наместо тоа, сетете се на еден магичен збор – супа. Според искусните кулинари, нема подобар начин да го искористите преварениот и омекнат зеленчук и да го спасите оброкот. Само префрлете го зеленчукот во блендер и за секои две чаши сварен зеленчук, додајте околу една чаша вода (или растителна супа). Потоа додајте потпржен кромид или лук, за екстра вкус, па вклучете го блендерот и миксирајте додека добиете хомогена смеса. На крај зачинете со сол и црн пипер. Ако сакате уште побогат вкус на супата, збогатете ја со екстра додатоци како крем за готвење, лимонов сок, зачини по ваш избор. Мелен црвен бибер или рендан ѓумбир ќе ѝ даде поинтензивен вкус на супата од тиква или моркови. Искусните готвачи препорачуваат семе од ким или кари во прав за супа од карфиол. На крај послужете ја супата во мали длабоки чинии, декорирана со рендан кашкавал, крцкави кубети, свежи тревки како магдонос, целер и сл.

Прочитајте и...  Со следниот тест откријте колку е стар вашиот мозок и како работи

Подгответе гратин

Гратин е јадење од потпечен зеленчук со некој кремаст сос, лебни трошки и кашкавал, а најважно е горе да има крцкава коричка. Токму ова јадење може да ви помогне да го спасите кој било преварен зеленчук, без исклучок. Прво земете огноотпорен сад и подмачкајте го со путер или масло, а рерната вклучете ја на 200 степени. Во садот префрлете го зеленчукот исцеден од вишок вода и додајте половина чаша крем за готвење на секои 450 г зеленчук. Слободно можете да додадете и додатоци по ваш избор како пршута, чадена шунка и сл., бидејќи гратинот е јадење за кое важи правилото „повеќе е повкусно“. Потоа најгоре посипете со половина чаша рендан кашкавал, ама изберете некој вкусен и со богат вкус, како гриер. На крај посипете со лебни трошки и ставете го јадењето во рерна да се пече околу 4-5 минути, односно додека лебните трошки добијат кафеава боја и станат крцкави, а кашкавалот се стопи. Со малку труд на крај од преварен зеленчук, добивте јадење во кое ќе уживаат сите и никој нема да се посомнева дека е дело на една мала кулинарска грешка.

Прочитајте и...  ФОТО | Враќање во седумдесеттите: Капутот од овчо крзно е хит број 1 оваа зима!

Поврзани вести

Со следниот тест откријте колку е стар вашиот мозок и како работи

Слободен печат

Весна Петрушевска: Никој не прашува како жртвата на сексуално насилство ќе се крене на нозе

Ј.К.Д.

ФОТО | Биле страв и трепет и никој не можел да ги надмудри како војни стратези: Ова се најмоќните кралици воини

Слободен печат

ФОТО: Сузана Турунџиева и Атиџе низ главниот град кај „скопските пчели“

М.Р

Лари Кинг пред олтарот застана осум пати со седум жени, една од нив ја запросил во болничка соба

Слободен печат

Бајага напиша химна на храброста: Ѝ ја посвети „Не си сама“ на Милена Радуловиќ

Слободен печат

Остави Коментар