СП: Хрватска во вториот дел го скрши отпорот на Ангола!
Денеска на Светското првенство кое се одржува во Египет репрезентацијата на Хрватска ја забележа првата победа. Во својот втор натпревар од групата „Ц“ „коцкестите“ со резултат 28:20 успеаја да ја совладаат селекцијата на Ангола.
Африканскиот претставник беше рамноправен противник во првото полувреме во кое одржуваше предност од еден-два голови разлика. Но, во вториот дел избраниците на селекторот Лино Червар го скршија отпорот на Анголците. При позитива од 14:13, направија серија од 4:0 и потоа константно ја контролираа позитивата која постепено растеше до крајот на средбата.
Највисоката изнесуваше „плус осум“, на крајот конечни 28:20, а први стрелци во победничките редови беа Мариќ и членот на Вардар 1961, Чупиќ, со по шест голови. На спротивната страна четири запиша Фереира, по три Насименто и Тека.
Откажан првиот меч на Мундијалот: Службени 10:0 за Германија!
На табелата води Катар кој по денешниот втор триумф против Јапонија (31:29) има четири максимални бодови, пред Хрватска (три), еден имаат Јапонците, а без бодови е Ангола.
Во последното трето коло Катар и Хрватска ќе се борат за првото место, а за учество во вториот круг во директна пресметка за третата позиција ќе се соочат Јапонија и Ангола.
Се одиграа уште два меча, Аргентина-Бахреин 24:21 и Бразил-Тунис 32:32. Аргентинците имаат четири бодови во групата „Д“, а за Бразилците ова е второ реми на шампионатот.