Малите ќофтенца се вообичаена закуска во Холандија, која најчесто се служи како мезе за со пиво. Тие најчесто се прават од говедско месо, кое се обликува во топчиња и потоа се пржат додека не станат крцкави.

Некои готвачи додаваат печурки и компири во смесата, други пак, ги изостават, а наместо мајонез и чили, најчесто се јадат со сенф.

Состојки:

– 3 супени лажици путер
– 100 г кромид
– 100 г печурки
– 200 г мелено говедско месо
– 40 г брашно
– 250 мл млеко
– 400 г компири
– 2 лажички морско оревче
– 2 лажички сол
– 1 лажичка бел пипер
– 1/2 лажичка шеќер
– 40 г кашкавал (чедар)
– масло за пржење
– 2 чаши лебни трошки
– 3 јајца

Подготовка:

Компирите сварете ги и испасирајте ги во пире. Растопете го путерот во тава на средна топлина. Пропржете го сечканиот кромид додека не стане проѕирен. Додајте ситно сечкани печурки и пржете ги додека не омекнат. Потоа додадете го меленото говедско месо и пропржете го додека не добие кафена боја. Додајте го брашното и мешајте додека смесата не се соедини. Полека додајте го млекото и продолжете со мешање додека сосот не стане густ и мазен. Додајте го пирето од компири, морското оревче, солта, биберот, шеќерот и ренданиот чедар. Добро измешајте и варете додека не испари вишокот течност. Тргнете од оган и оставете го на страна. Почекајте малку да се излади. Обликувајте ги топчињата. Извалкајте ги во лебни трошки, па во јајцата што претходно сте ги изматиле со виљушка и на крајот, повторно извалкајте ги во лебните трошки. Загрејте го маслото и пржете ги топчињата во врело масло додека не поруменат и не станат крцкави. Послужете ги со сос по ваш вкус.