Совршена лежалка за вашиот екстериер (фото)
Брендот „Roberti Rattan“ го претстави својот новитет, кој настана како дело на Антонија Де Марк и Симеоне Фанциулаки, а кој вашата дремка и уживање на отворено ќе ги пренесе на сосема ново ниво.
Atollo е новата макси лежалка на овој бренд, направена од челик, алуминиум и морска мрежа, а доаѓа во бројни конфигурации, за да ви помогне да создадете свој совршен рај на отворено.
Колекцијата започнува со структура на балдахин, која е опремена со накосен трем за седење направен од морска мрежа, парасол за совршена ладовина и завеси за дополнителна приватност.
Тука се и другите верзии без завеси, со полн душек, половина душек или кружни перници. Покрај тоа, постои и модел кој доаѓа без балдахин, но со исти опции за седење.
Вкупно, во колекцијата постојат единаесет верзии. Изборот е ваш.