Совршен рецепт ако сте изморени од готвење: Брз колач со јогурт и лимон
Ако ви е потребен одмор од многуте часови поминати во кујна и подготвувањето на празничните деликатеси, овој колач со јогурт и лимон е одличен избор за сите домаќинки.
По обилните, и веројатно многу калорични празнични трпези, вистинско време е за мала пауза кога се во прашање солените и слатките специјалитети. Многу домаќинки се изморени од приготвувањето на омилените јадења, па ако некојa сака помалку време да поминува во кујната, овој рецепт е одличен избор.
Колач од лимон
Состојки:
– сок од лимон
– рендана кора од два лимона
– 200 мл масло
– 2 јајца
– 150 гр шеќер
– еден ванилин шеќер
– 2 чаши јогурт
– 210 гр брашно
– прашок за печиво
– прстофат сол
Подготовка:
Сите подготвени состојки измешајте ги во еден поголем сад со миксер. Кога сѐ убаво ќе се соедини, сипете го тестото во калапот (подмачкан со масло и набрашнет).
Колачот печете го на температура од 160 до 180 степени околу 50-тина минути. Проверете со чепкалка дали колачот е готов, а готов е кога чепкалката чиста ќе „излезе“ од колачот.
По желба, колачот украсете го со шеќер во прав или со рендана кора од лимон.