Совршен хотел за љубителите на вино (фото)
Долгоочекуваниот Four Seasons Resort & Residences Napa Valley, конечно ги отвара своите врати…
Ова воедно ќе биде осмиот Four Seasons хотел во Калифорнија, а како исклучително раскошно место за одмор, ќе поседува свој сопствен виноград, ресторан со домашна винска карта, велнес и спа објект, како и совршено шармантни соби за гостите.
Новиот Four Seasons resort се наоѓа во Клистог заедницата, на час и половина возење од Сан Франциско и Сакраменто. Дизајниран од страна на Ерин Мартин, ресортот содржи осумдесет и пет соби и апартмани за гости, спа со голем број услуги, неколку отворени базени, широка тераса со поглед на прекрасната околина и изобилството од ложи каде што гостите можат да се опуштат и да уживаат во сонцето.
Исклучителниот тим на ова одморалиште секогаш може да понуди уникатни тури, од искуства посветени на љубителите на вино, посета на галерии и продавници за шопинг, па се до сценско возење низ долината и надвор од туристичките патеки, за оние кои уживаат во авантурите.
Исто така, ова одморалиште организира бројни настани, свадби и состаноци, нудејќи го својот ентериер и екстериер, вклучувајќи ја и балската сала. Тие имаат дури и амбар наменет за настани, како и градина во виноградот, со бројни опции за престој.
Ресортот исто така планира да ја лансира својата ограничена винска колекција, во соработка со Thomas Rivers Brown.