Советот за безбедност на ОН го предложи Гутереш за втор мандат

Фото: EPA-EFE/PASCAL BITZ / WEF HANDOUT MANDATORY CREDIT / HANDOUT EDITORIAL USE ONLY/NO SALES

Советот за безбедност на ОН усвои денеска резолуција, со која препорачува актуелниот генералниот секретар на организацијата Антонио Гутереш да биде избран за втор мандат.

Претстои Генералното собрание на ОН да донесе одлука во врска со кандидатурата на Гутереш.

Бидејќи има само еден кандидат за функцијата генерален секретар, постои голема веројатност Генералното собрание да ја усвои резолуцијата без гласање.

Антонио Гутереш е деветтиот генерален секретар на ОН, а неговиот мандат започна на 1 јануари 2017 година.

Видео на денот