Советот на општина Дебар, на денешната 47-та редовна седница едногласно го усвои Предлог-спсокот со нови имиња на улици, населби, плоштади и мостови во општината.

При изгласувањето на беше запазен и принципот на гласање според Бадентер.

– Ви благодарам на сите. Се гордеам со вас, кусо изјави претседателот на Советот, Башким Машкули, по гласањето.

Во листата повеќе ги нема имињата на улиците поврзани со поранешна Југославија (ЈНА, Едвард Кардељ…), но и на првоборци и учесници во НОВ (Видое Смилевски-Бато, дебраните Здравко Чочковски, Таса Мартиновска…). Остануваат досегашните имиња на улиците Илинден, Гоце Делчев, Никола Карев, на дебарските народни херои Ибе Паликуќа и Лиман Каба, како и првоборци Павле Џиковски и Зија Мерсоски.

Најголем број од имињата се на личности и настани од албанската историја и култура и Албанци од Дебар.

Трите плоштади ќе го носат името Скендербег и Илирија, како и до сега, додека третиот плоштад ќе се именува Елез Исуфи (национален стратег по потекло од Пешкопеја-Албанија). Мостот Рајчица се преминува во Дебарски Мост, додека Мелнички Мост во Мостот на Радика. Нови имиња ќе добијат населбите Венец еден (Уранику), Венец два (Пенестија) и населбата Депласт (Мост Селам).

Ова не е првпат Советот на општината да усвојува ваква листа. Првпат тоа беше во 1996 а вториот пат во 2010 но иницијативата не беше до крај реализира. Според законската регулатива, како што беше речено, предлогот ќе биде доставен до министертвото за транспорт, по што Советот ќе треба да донесе одлука.

Советот расправаше и по други прашања од негова надлежност