-1 C
Скопје

Совети за вашата исхрана за време на празниците

Лекарите од клиниката „Жан Митрев“ ви даваат корисни совети и препораки за исхрана за време на божиќните празници.  

За време на празниците вообичаено подготвуваме големи количини разновидна храна, која уживаме да ја споделиме со поширокото семејство и пријателите. Оваа година поради пандемијата, дружењето ќе биде ограничено, а тоа значи дека треба да обрнете внимание на количината храна што ќе ја подготвите. Не претерувајте, но истовремено следете ги и препораките во поглед на типот на храна која може да предизвика непријатност при варењето. Ова се однесува и на консумирањето алкохол и газирани пијалаци.

Иако се празници, сепак може да се погрижите да уживате во храна која е здрава, избегнувајќи консумирање на прекумерни количини. Оваа година имате и повеќе време да експериментирате со нови, здрави рецепти. Но доколку сепак решите да одите со новогодишната класика, имајте ги на ум следните совети:

– Избегнувајте полуподготвена храна со многу зачини, сосови и прекумерна количина алкохолни пијалаци.

Прочитајте и...  ФОТО: Викторија со емотивна порака му го честиташе роденденот на својот син Бруклин

– Консумирајте умерено месо и доколку е можно со помалку маснотии: пилешко или риба (скуша, лосос, туна, пастрмка). Тие се најдобрите сојузници за намалување на лошиот холестерол и одржување на маснотиите, бидејќи содржат омега 3 масни киселини.

– При готвењето користете масла со добар квалитет како што се маслиново, ленено, сончогледово или пченкарно. Овие масла содржат незаситени масти кои го намалуваат лошиот холестерол. Исто така, содржат природни антиоксиданти како витамин Е.

– Консумирајте јаткасти производи како што се ореви, бадеми, лешници, ф’стаци, бидејќи тие му обезбедуваат на вашиот организам мононезаситени масти и антиоксиданти.

– Изберете пијалаци без шеќер како што се вода, минерална вода, лесно газирани пијалаци без шеќер и природни свежо цедени овошни сокови. Важно е да останете добро хидрирани.

– Вечерајте лесна храна навечер и не прескокнувајте оброци, бидејќи тоа може да доведе до прејадување.

Прочитајте и...  Д-р Биљана Божиновска, специјалист по радиологија: Компјутерската томографија на белите дробови наспроти ковид-19
pixabay

– Заменете го мајонезот или сосовите со обезмастено млеко или посен мајонез.  – Евентуално можете да консумирате моцарела или друго не многу солено бело сирење.

– Не заборавајте на физичката активност. Иако се празници, сепак би можеле да одвоите време за пешачење во парк, возење велосипед, па и во домашни услови. Ова ќе ви помогне да ги согорите вишокот внесени калории.

– Во следниот период, се препорачува детокс диета заснована на овошје, зеленчук и билни чаеви.

Не ги заборавајте салатите направени од свеж зеленчук. Тие му обезбедуваат на вашиот организам фитостероли, витамини и минерали, кои помагаат во намалувањето на холестеролот. Подобри ефекти ќе добиете од нив доколку ги консумирате сурови. Додадете зелка, брокула, карфиол и лук како зачин или кондимент за замена на солта. Сите овие заедно со кромидот содржат соединенија на сулфур, кои ја подобруваат циркулацијата и кардиоваскуларната активност.

Прочитајте и...  Нова линија на модни додатоци на дизајнерката Росица Мршиќ

Овошјата се исто така важни. Во овој период сезонските овошја како калинките, цитрусните: мандарини, портокали, цитрони. Секогаш присутните банани.

Црвените или синкавите плодови како сливи, цреши, малини и боровинки, иако во овој период во замрзната форма, се богати со антоцијани, природни антиоксиданти што спречуваат натрупување на маснотии на внатрешните sидови на артериите. Грозјето кое сѐ уште можете да го најдете во маркетите содржи ресвератрол, природна супстанца која го штити срцето од хиперхолестеролемија, високи триглицериди и висок крвен притисок.

Празниците се токму за да уживаме во нив, да го избереме најдобриот и најздравиот начин, без претерување или забрани.

Од клиниката „Жан Митрев“ Ви посакуваат среќни празници!

За информации поврзани со Вашето здравје информирајте се или закажете на телефон 02 309 1484.

(комерцијален текст)

 

Поврзани вести

Исповед на Холи Медисон, поранешна зајачица на „Плејбој“: Му бевме бели робинки на Хју Хефнер

Слободен Печат

Ева Мендес призна дека поради мајчинството го занемарила изгледот

Слободен печат

Предности на сокот од јаболка: Поволно делува при проблеми со црниот дроб и бешиката

Слободен печат

ФОТО | Моќниот Корлеоне го стасале годините: Ал Пачино низ улиците на Беверли Хилс едвај препознатлив

Слободен печат

Заштедете време: Еве зошто кујната секогаш ви е полна со валкани садови

Слободен печат

ВИДЕО+ФОТО | Вистинската љубов е уште посилна во тешките времиња: Прекрасни фотографии од венчавката на двајца бездомници

Слободен печат

Остави Коментар