Во изминатите 24 часа во ковид-центрите во болниците низ земјава е пријавено дека се лекуваат вкупно 330 позитивни и суспектни пациенти на коронвирусот. Според извештаите што семкојдневно пристигнуваат во Министерството за здравство (МЗ), во болницата во Битола се хоспитализирани 31 позитивен и суспектен пациент на ковид-19.
– Во болницата во Штип се хоспитализирани 26 пациенти, на инфективното одделение во Тетово има 14 пациенти, во Велес – 23, а во Куманово 47 позитивни и суспектни пациенти на ковид-19. Во ковид-центарот во Охрид се хоспитализирани 35 пациенти, во Прилеп – 34, во Гостивар – 18, а во Струга – 23 болни. Во болницата во Струмица се хоспитализирани 23 пациенти, во Кочани двајца, во Кичево – 16, во Кавадарци – 21, во Гевгелија – шест лица, а во Дебар – 11 позитивни и суспектни на коронавирусот, соопштија од МЗ.
Вкупната бројка на позитивни и суспектни пациенти на коронавирусот кои се лекуваат на инфективните оддели во главниот град и во болниците низ земјава е 610 и има околу 603 слободни болнички кревети во ковид-центрите.
Видео на денот