Состојба со Ковид-19 во светот до 13 часот

Според најновите податоци, во светот досега се регистрирани 1.130.933 лицa заразени со новиот коронавирус. Од нив починати се 60.150, а оздравеле 235.902 луѓе.

– Шестотини француски војници се заразени со коронавирус, соопшти Министерството за одбрана во Париз.

– Во Шпанија во последните 24 часа починаа 809 луѓе од коронавирусот, што е најмал број за едно деноноќие во последните осум дена.

– Индија забележа најголем пораст на новозарзени случаи со Ковид-19 во еден ден – 600. Повеќето од новите случаи се поврзани со религиозни собири.

– Во Белгија во последните 24 часа починаа 140 луѓе, а дополнително се заразиле 1.661 лице.

– Бројот на заразени со коронавирус во БиХ продолжува да се зголемува, до денеска надмина 600 лица, а истовремено пристигнуваат предупредувања дека на земјата и се закануваат социјални немири и дестабилизација.

– Австралиските научници почнаа да тестираат две вакцини против Ковид-19. Едната е создадена од експерти од Универзитетот Оксфорд, а другата од американската компанија „Иновио Фармацевтикал”.

– Во Русија во последните 24 часа починаа девет луѓе, а дополнително се заразија 582 лица. Со тоа бројот на заразени во земјата се зголеми на 4.731, а на починати 43 лица.

– Австралиската Влада побара од над два милиони луѓе со времени визи, вклучувајќи ги и студентите и мајсторите, да се вратат во своите земји, доколку не можат да опстанат по економскиот пад и невработеноста предизвикани од пандемијата на коронавирусот.

– Во Швајцарија во последното деноноќие починале 13 луѓе, а се заразени нови 96 лица. Со тоа бројот на заразени во државата изнесуваа 19.702, а смртни случаи има 604.

– На Тајланд се намалува порастот на нови случаи на зараза со коронавирус, соопшти Министерството за здравство.

– Педест и осум годишен германски доктор е пронајден мртов во својот стан откако не ги следел препораките за самоизолација, бидејќи имал коронавирус.

– Меѓу 193 членки на ОН, 18 земји немаат пријавено ниту еден случај на Ковид-19.

– Во шпанските домови за стари и изнемоштени лица, тешко болните пациенти ги успиваат.

– Бројот на лица кои починале од коронавирус во Франција се зголемил за 61 отсто во последните два дена, откако се регистрирани и податоците од домовите за стари лица. Смртните случаи се сега 6.507, а бројот на заболени е зголемен за 44 проценти и изнесува 82.165 луѓе.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот