Состојба со коронавирусот во светот до 13 часот

Добри вести од Меѓународниот монетарен фонд кој изрази поддршка за земјите кои се борат и го ублажуваат влијанието на Ковид-19 врз економиите насекаде, особено оние со ниски приходи и поранливите, напиша на Твитер директорот на СЗО Тедрос Аданом Гебрејесус.

– Според Ворлдметар, во светот досега се пријавени 96.274 потврдени случаи на заразени со новиот коронавирус. Смртни случаи има 3.304, а излекувани се 53.900.

– До денеска во ЕУ се регистрирани 3.400 случаи на заразени со новиот коронавирус, соопшти претставник на Европската комисија на состанок на комисијата за здравство на Европскиот Парламент.

– Грција соопшти дека бројот на заразени се зголеми на 10 лица.

– Германија соопшти за 109 нови случаи на заразата за само еден ден со што вкупниот број на болни се зголеми на 349.

– Во САД бројот на смртни случаи од Ковид-19 се зголеми на 11.

– Јужнокорејските власти информираа за 467 нови случаи, со што вкупниот број на заразени во Јужна Кореја се зголеми на 6.088. Бројот на починати се зголеми на 36.

– Иран соопшти дека има уште 15 смртни случаи, со што вкупниот број досега изнесува 107. Сомнителни се 23.327 случаи, а потврдени се 3.513 инфекции, соопшти портпаролот на Министерството за здравство. Иран денеска ги затвори сите училишта.

– СЗО објави уште едно предупредување во кое вели дека измамници се претставуваат како вработени во СЗО и од луѓето бараат пари и лични податоци.

– Во Швајцарија е регистриран првиот смртен случај од новиот коронавирус. Се работи за 74-годишна жена која се разболеле пред два дена.

– Хрватскиот министер за здравство Берош рече дека засега нема нови случаи на заразата во Хрватска.

– Забавувањето на производството во Кина поради појава на новиот коронавирус  ја нарушува светската трговија и може да резултира со пад на извозот во износ од 50 милијарди долари, се наведува во проценките објавени од Агенцијата за трговија и економски развој на ОН (УНКТАД).

– Речиси 300 милиони ученици во светот не одат на училиште, а Италија е последна во низата земји кои затвораат училишта со цел да го запрат ширењето на новиот коронавирус.

– На Исланд се заразени уште шест лица со што вкупниот број на заразени се зголеми на 26.

– Полска го потврди првиот случај на зараза. Се работи за маж кој допатувал од Германија.

– Во Индија се регистрирани вкупно 30 заразени лица.

– Јапонската префектура Шига соопшти за прва инфекција со новиот коронавирус, откако Меѓународниот олимписки комитет потврди дека Олимпијадата во Јапонија ќе почне според распоред во јули.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот