Состојба со коронавирусот во светот до 13 часот

epa08364112 Taxi drivers wear protective face masks provided by the Municipality of Milan during the coronavirus emergency, in Milan, northern Italy, 15 April 2020. Italy is under lockdown in an attempt to stop the widespread of the Sars-Cov-2 coronavirus causing the Covid-19 disease. EPA-EFE/Andrea Fasani

Според последните податоци, во светот со новиот коронавирус досега се заразени вкупно 3.080.101 лица. Од нив починале 212.265, а оздравеле 929.077 луѓе.

– Црна Гора трет ден по ред нема регистрирано ниту еден нов случај на зараза со коронавирус, а истовремено бројот на оздравени е значително поголем од бројот на моментно заболените. Досега во земјата има 321 заразен.

– Австрија продолжува со олеснување на мерките за изолација воведени за да се спречи ширењето на Ковид-19. Од петок ќе биде дозволено собирање до десет луѓе и излегување од домовите без оправдани причини.

– Во Индонезија 415 нови случаи на зараза со коронавирус, а осум луѓе починаа во последните 24 часа.

– Иранците користеле метанол против коронавирусот. Починале над 700 лица, а повеќе од 5.000 луѓе имале алкохолно труење.

– Речиси една третина Американци го загубиле работното место или приходите поради новиот коронавирус, а бранот отпуштања посебно ги погодил оние со пониски заработувачки, покажува најновото истражување.

– Во Чешка во последните 24 часа се потврдени 41 заразен случај со коронавирус, што е најмал дневен пораст на бројот на заболени во последните шест недели.

– На полицајците во индискиот град Мумбај им е наложено да останат дома доколку се на возраст над 55 години. Одлуката е донесена откако тројца полицајци починале како последица на зараза со Ковид-19.

– Светската здравствена организација соопшти дека ги забрзува испораките на дијагностичките тестови и заштитна опрема, со нов фокус на Латинска Америка каде се шири новиот коронавирус.

Видео на денот