СОРАБОТНИКОТ НА ЏУЛИЈАНИ ТВРДИ: Трамп се обиде да влијае врз Украина за да се покрене истрага против Бајден

Фото: Smialowski / AFP / Profimedia

Според него, Трамп бил запознат со напорите на Џулијани да се дојде до истрагата и редовно бил информиран за тоа што се случува.

Близок пријател на Руди Џулијани, поранешниот градоначалник на Њујорк и личен адвокат на американскиот претседател Доналд Трамп, тврди дека Трамп бил директно вмешан во обидот да влијае на Украина за да го истражи демократскиот ривал Џо Бајден.

Лев Парнас рече дека во мај, на барање на Џулијани, тој му дал ултиматум на идниот претседател на Украина дека ниту еден висок американски функционер нема да присуствува на неговата инаугурација и дека основната американска безбедносна помош ќе биде намалена ако не биде најавена истрага за Бајден.

Според него, Трамп бил запознат со напорите на Џулијани да се дојде до истрагата и редовно бил информиран за тоа што се случува.

Како што се наведува, доколку се воспостави дека тоа е точно, тоа би можело да ја минимизира одбраната на Трамп.

– Претседателот Трамп точно знаеше што се случува. Тој беше запознаен со сите мои потези. Јас не би направил ништо без согласност на Руди Џулијани или на претседателот, рече Парнас.

Трамп вчера негираше дека го познава Парнас, и покрај бројните фотографии на кои е со него.

– Сум запознал илјадници и илјадници луѓе како претседател и направив илјадници фотографии, рече Трамп.

Џулијани рече дека изјавата на Парнас е „тажна“.

– Жал ми е. Мислев дека тој е чесен човек. Сум згрешил, рече Џулијани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот