Соработниците на Трамп бараат именување на пратеник за нуклеарните разговори со Москва
Претставникот ќе биде во својство на специјален пратеник, а негова главна задача е да ги води преговорите за контрола на оружјето.
Соработници на американскиот претседател Доналд Трамп бараат да биде именуван висок претставник во преговорите со Москва за нуклеарното оружје, пишува американскиот портал Политико, оценувајќи дека таквата иницијатива е насочена кон одложување на одлуката на Трамп за продолжување на последниот голем договор со Русија за контрола на оружјето – СТАРТ 3.
Претставникот ќе биде во својство на специјален пратеник, а негова главна задача е да ги води преговорите за контрола на оружјето.
Додека негов главен партнер во преговорите би била Москва, Трамп може да инсистира пратеникот да преземе уште потешка задача, а тоа е да ја убеди Кина да се вклучи во разговорите, наведува Политико.
– Американската администрација досега нема пронајдено никој што би сакал да ја преземе таа позиција, изјавиле за Политико неименувани поранешни функционери во Белата куќа.
Договорот СТАРТ-3 истекува на 5 февруари следната година, а Трамп се уште не одлучил дали ќе потпише продолжување на актот за намалување на нуклеарното оружје.