Сопственикот на фудбалскиот клуб Удинезе, во чии редови настапува македонскиот репрезентативец Илија Несторовски, е против предвремено враќање на натпреварите во Серија А.

Џанпаоло Поцо смета дека е подобро да „помине критичната фаза“ да помине, пред да почне да се размислува за продолжување на сезоната.

– Доколку екипа се најде во карантин после два или три одиграни натпревари како резултат на позитивен тест за коронавирус на еден играч, и доколку сезоната повторно се прекине, ќе направиме голема грешка – рече Поцо.

Сезоната во Серија А беше прекината на 9 март поради пандемијата на коронавирус, а Удинезе тогаш беше на 14 место, со три бода повеќе над зоната за испаѓање.

Клубовите во Серија А мора да го следат медицинскиот протокол утврден од надлежните. Меѓу другото, тимовите редовно ќе бидат тестирани на новиот вирус, а доколку се случи еден член на клубот да биде заразен, целиот состав ќе мора 15 дена да биде во карантин и предвремено ќе заврши сезоната во Серија А.

На играчите им е дозволено да продолжат со индивидуалните тренинзи во клупските центри од 4 мај, а колективните тренинзи можат да започнат од понеделник.

Раководството на Серија А се надева дека лигата би можела да продолжи на 13 јуни, но тоа сè уште не е одобрено од Владата.