Сопственикот на Наполи со проект вреден 10 милијарди евра сака да го менува фудбалот

Де Лаурентис сака промени во европските натпреварувања/ фото: EPA-EFE/ETIENNE LAURENT

Проектот европска Суперлига кој го потресе европскиот фудбал, беше запрен по жестоките реакции на навивачите, јавноста, фудбалските федерации, па дури и политиката се замеша, но приказната со тектонските промени во фудбалот продолжува.

Сега на сцена стапи контроверзниот сопственик на Наполи, клуб за кој настапува и македонскиот репрезентативец Елиф Елмас, Аурелио де Лаутрентис кој соопшти дека работи на проект вреден 10 милијарди евра.

– Лигата на шампионите и Лигата на Европа на клубовите не им носат доволно приходи за да ги оправдаат настапите во овие натпреварувања. За да бидете конкуренти потребно е да имате повеќе врвни фудбалери. Тоа значи дека мора да трошите многу, а наградите во европските натпревари не се доволни Затоа клубовите треба да разговаат едни со други за да создадат помодерен и попрофитабилен фудбал за сите – изјави Де Лаурентис за „Дејли Меил“.

– Потребно е да се намали бројот на натпревари така што би се намалил бројот на лиги во цела Европа. Треба да се создаде европско натпреварување со демократски систем на влегување во истото и кој е базиран на пласманот на екипите во националните лиги. Јас веќе испитав дека овој проект може да донесе 10 милијарди евра, но потребни се желба и целосна независност – додаде Де Лаурентис, притоа не изнесувајќи повеќе детали за проектот.

Видео на денот