Дефанзивецот на Манчестер сити, Кајл Вокер во Англија е познат како скандал мајстор, последниот му беше за време на карантинот поради пандемијата на коронавирусот кога организираше оргии, а јавноста дозна дека неговата сопруга не е повеќе со него откако тој и направил дете на нејзината пријателка.

Ени Килнер открива дека постојано му ги простувала неверствата, се до неговиот „испад“ со Лорин Гудман.

– Тоа што ми го направи на мене и нашите деца, не можам да го опишам со зборови. Во март минатата година беше неверен и спише со некоја ѕвезда од реалити шоу, па потоа ме молеше да се врати назад но во јули повторно почна по старо. Не поминаа три месеци, а веќе некоја е бремена додека нашето најмало дете има само една година. Кој нормален човек прави такви работи – вели Ени за „Сан“.

Првото неверство по СП 2018 година, Ени го откри откако и се јави девојката со која бил Кајл Вокер. Таа и рекла дека со Кајл воделе љубов во неговиот Бентли и тоа неколку пати. Ени неколку месеци подоцна забременила, но потоа го загубила детето во јуни 2019 година, а веќе во јули Вокер и направил дете на Гудман. Таа повторно дознала преку социјалните мрежи.

– Кајл ми призна за неверството. Ми се правдаше дека бил шокиран, но мислам дека ни ги сфаќа последиците. Му прогледував низ прсти долго време бидејќи нашите деца го обожуваат и поради нив сакав да му дадам последна шанса. Но, не знам како да живеам со него кога тој има дете со друга жена – вели Ени која е во врска со фудбалерот од нејзината 15 година.