Контроверзниот рапер Канје Вест заедно со неговата партенрка Бјанка Цензори, вчера, биле во црква во Лос Анџелес, а на паркингот тој си играл со неговиот четиригодишен син Псалм.

Добитникот на Греми придружуван од неговата партнерка, се појавиле во невообичаен моден избор. Канје носел црни хеланки и и црна маичка со кратки ракави.

Бјанка за оваа прилика одбрала бизарна модна комбинација. Таа била облечена во црн фустан со огромна јака и проѕирна мрежа над главата. Сето тоа го надополнила со црни чизми на висока потпетица.

На почетокот на годината се појавија гласини дека Канје се оженил со Бјанка Цензори , два месеци по финализирањето на неговиот развод со Ким Кардашијан. Тие се видени заедно во јавност со бурми на рацете, а како што тврдат извори, венчавката се одржала во тајност.

Сепак, странските медиуми пишуваат дека младенците никогаш не поднеле барање за дозвола за брак, иако Бјанка еднаш изјави дека е мажена. Инаку, парот живее заедно во луксузен стан со две спални соби во Западен Холивуд.