Премиерот на Чешка, Андреј Бабиш кој е во посета на Македонија, медиумите го нарекуваат „чешкиот Трамп“, првенствено поради тоа што е бизнисмен. Тој е на листата на „Форбс“ на најбогатите личности. Неговото богатство се проценува на 4.1 милијарди долари, а во негова сопственост се два весника, најголемото радио во Чешка и ресторан со „Мишелин“ ѕвезда.

Освен по своето богатство, Андреј Бабиш вниманието го привлекува и поради 20-години помладата сопруга, Моника Бабишова. Тоа е уште една причина поради која Бабиш го споредуваат со Трамп.

https://www.instagram.com/p/Blcu10MnIi7/

Додека повеќето сопруги на европските политичари живеат дистанцирано од очите на јавноста, сопругата на чешкиот премиер со медиумите нема никакви проблеми. Токму напротив, таа е вистинска инстаграм-ѕвезда.

https://www.instagram.com/p/BpfyDK6FEmM/

Моника Бабишова има 44 години и повеќе од 20 години е во врска со Андреј Бабишов, но дури минатата година го кажале судбоносното да. Се запознале додека таа работела како секретарка во фирма во која Бабиш бил партнер, а тогаш и двајцата биле во брак.

https://www.instagram.com/p/Blrg07JHwuw/?utm_source=ig_embed

Моника првпат се омажила на 15 години со 19-годишно момче. Кога имала скоро 21 година, се развеле и оттогаш почнува нејзината љубов со Андреј Бабишов. Денес имаат две деца, Вивиен и Фредерик.

https://www.instagram.com/p/BqDKXYKH3LY/?utm_source=ig_embed

Со него е повеќе од две децении. Го следи на повеќето негови патувања и притоа не ја пропушта приликата да се слика со познатите политичари и политичарки. Фотографиите ги споделува на Инстаграм каде што ја следат повеќе од 24.000 луѓе.

Како свои најголеми пороци ги наведува пушењето, од кое се откажала, прошекот и тоа што не оди во вежбалница. Рекла и дека обожава да оди во шопинг и ја следи модата.
Сепак, Моника не сака да живее во сенка на својот сопруг и започнала хуманитарно здружение, а истовремено работи на отворање бутик-хотел и ресторан, пишува Дива.

https://www.instagram.com/p/BlwGG3gn5z9/