Сопругата на „чешкиот Трамп“ троши многу на облека, сака да пие прошек и е ѕвезда на Инстаграм - Слободен печат
ВестиПланета

Сопругата на „чешкиот Трамп“ троши многу на облека, сака да пие прошек и е ѕвезда на Инстаграм

Освен по своето богатство, Андреј Бабиш вниманието го привлекува и поради 20-години помладата сопруга, Моника Бабишова.

Премиерот на Чешка, Андреј Бабиш кој е во посета на Македонија, медиумите го нарекуваат „чешкиот Трамп“, првенствено поради тоа што е бизнисмен. Тој е на листата на „Форбс“ на најбогатите личности. Неговото богатство се проценува на 4.1 милијарди долари, а во негова сопственост се два весника, најголемото радио во Чешка и ресторан со „Мишелин“ ѕвезда.

Instagram

Освен по своето богатство, Андреј Бабиш вниманието го привлекува и поради 20-години помладата сопруга, Моника Бабишова. Тоа е уште една причина поради која Бабиш го споредуваат со Трамп.

Додека повеќето сопруги на европските политичари живеат дистанцирано од очите на јавноста, сопругата на чешкиот премиер со медиумите нема никакви проблеми. Токму напротив, таа е вистинска инстаграм-ѕвезда.

View this post on Instagram

Předávání státních vyznamenani2018

A post shared by Mona (@monikababisova) on

Моника Бабишова има 44 години и повеќе од 20 години е во врска со Андреј Бабишов, но дури минатата година го кажале судбоносното да. Се запознале додека таа работела како секретарка во фирма во која Бабиш бил партнер, а тогаш и двајцата биле во брак.

Моника првпат се омажила на 15 години со 19-годишно момче. Кога имала скоро 21 година, се развеле и оттогаш почнува нејзината љубов со Андреј Бабишов. Денес имаат две деца, Вивиен и Фредерик.

Со него е повеќе од две децении. Го следи на повеќето негови патувања и притоа не ја пропушта приликата да се слика со познатите политичари и политичарки. Фотографиите ги споделува на Инстаграм каде што ја следат повеќе од 24.000 луѓе.

Instagram

Како свои најголеми пороци ги наведува пушењето, од кое се откажала, прошекот и тоа што не оди во вежбалница. Рекла и дека обожава да оди во шопинг и ја следи модата.
Сепак, Моника не сака да живее во сенка на својот сопруг и започнала хуманитарно здружение, а истовремено работи на отворање бутик-хотел и ресторан, пишува Дива.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close