Српскиот музичар Борисав Ѓоргевиќ, познат како Бора Чорба, почина на 72-годишна возраст во средата (4 септември), по петнаесетдневна борба за живот во болницата во  Љубљана, каде беше хоспитализиран поради проблеми со белите дробови.

Веста за неговата смрт ја шокираше јавноста, но најмногу неговото семејство кое објави некролог во денешните дневни весници во Србија и со емотивни зборови им се обрати на сите кои сакаат да присуствуваат на погребот на легендарниот музичар.

„Погребот ќе се изврши во сабота на 7.9.2024 година, во 14.30 часот на градските гробишта во Чачак. Опелото е во 14 часот. Сочувство ќе се прима од 13 часот.

Драг наш, твоето срце ќе чука со нас засекогаш. Твоите песни засекогаш ќе бидат дел од нас. Ни подари грст спомени, по кои ќе те паметиме.

Ожалостени: сопругата Дубравка, синот Борис, ќерката Тамара, внукот Петар, зетот Бојан, снаата Милица, свеската Даша и тештата Нада“, пишува во некрологот.

Погребот на Бора Чорба ќе се изврши во сабота: Петок е прогласен за ден на жалост во Чачак