Моника Круемади, сопруга на албанскиот претседател Илир Мета, која е лидерка на опозициското Движење за социјалистичка интеграција (ЛСИ), казнета е за неносење на заштитна маска.

– Ова е потврда дека полицијата не прави пардон. Заради неносење на заштитна маска, која од 15 октомври е задолжителна и на отворен простор, се изречени казни по 25 евра за Моника Круемади, претседателка на ЛСИ, и за партиската потпретседателка Флоида Крпачи, пренесуваат албанските медуми.

Двете претпладнево биле на средба со жители во населба во Тирана, каде се појавиле без заштитни маски со што го „прекршиле анти-ковид законот”.

Круемади, која и самата е доктор, јавно кажа дека е против мерката за задолжително носење заштитна маска на отворен простор и оти нема да ја почитува.

– Маска на отворен простор никако. А доколку ми напишат казна нема како да ги добијат парите. На мое име немам ниту куќа, ниту стан. Нека ја испратат до Илир или до мајка ми, рече Круемади.