Во судир на два автомобила вчера попладне на стариот пат Скопје-Куманово кај Арачиново, тешко е повреден 39-годишен возач од Скопје, соопшти полицијата.

„На 17.03.2025 во 17:30 часот во СВР Скопје, било пријавено дека на регионалниот пат Скопје-Куманово, пред с.Арачиново, скопско, се случила сообраќајна несреќа помеѓу патничко возило „фолксваген поло“ со скопски регистарски ознаки управувано од Е.К.(19) и патничко возило „сеат“ со скопски регистарски ознаки, управувано од М.И.(39), двајцата од Скопје. Во несреќата со тешки телесни повреди се здобил М.И. констатирани во Градската општа болница „Св.Наум Охридски“. Извршен бил увид од увидна екипа од СВР Скопје“, велат од МВР.