Сообраќајна (не)култура: Возење без возачка, управување со неисправни возила, „пајакот“ дигна 72 автомобила
Вчера во главниот град биле фатени 21 лице без возачка дозвола, а 20 управувале со неисправни возила, пишува во билтенот на Министерството за внатрешни работи (МВР) во кој се наведува дека се санкционирани вкупно 384 возачи во едно деноноќие.
Како што соопштија од МВР, 138 од изречените прекршоци во текот на вчерашниот ден се однесуваат за пречекорување на дозволената брзина на движење, а санкционирани се и 20 мотоциклисти. За непрописно паркирани возила се изречени 88 казни, а 72 возила се подигнати со пајак. Изречени се и 66 санкции за неносење на заштитна маска.
Од МВР информираат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот.