Делува како возило од футуристички филм, но овој концепт е наскоро ќе заживее, односно ќе заплови и ќе се нурне во светските мориња. Овој дизајн е осмислен од Елена Напи од италијанска компанија за градежни бродови „Фонцантиери“.

Оваа хибридна јахта, наречена Карапаце, ќе може да се движи по морската површина, но и да се нурне до длабочина од 300 метри, а под вода ќе може да се остане и до десет дена, нудејќи неверојатен поглед на морскиот свет.

Хибридната супер јахта е дизајнирана од Елена Напи и е идеална за оние со (подлабоки џебови), кои сакаат да останат подалеку од очите на јавноста.

Напи, која го претстави овој иновативен концепт по долгогодишно истражување на наутички експерименти, вели дека ова претставува „нова класа на мега јахти“, кои комбинираат удобност на луксузни јахти и „приватност“ со навигацијата на нуркање, пренесува Си-ен-ен.

Дипломатите и бизнисмените ќе можат да се качат на јахтата и да  одржуваат важни состаноци, „да дефинираат договори во целосна тајност“, вели дизајнерката.

Долгата јахта има лесна алуминиумска суперструктира, а патниците можат да уживаат во луксузните удобности на бродот – вклучувајќи ВИП штандови, дневен престој, спа, бар и сала за вежбање.

Кога оваа јахта ќе исплива на површината, горната палуба станува  достапна на гостите, кои можат да уживаат во погледот на океанот.

Хибридната суперијахта, за која се очекува да чини стотици милиони евра, кога ќе биде изградена, секако е наменета за оние најмоќните купци.