Сомнителен откако беше на „Тур де Франс“: Францускиот премиер Кастекс на тест за Ковид-19
Францускиот премиер Жан Кастекс ќе биде тестиран на Ковид-19, откако се утврди дека бил во контакт со директорот на велосипедската трка „Тур де Франс“ Кристијан Прудом, кој е позитивен на вирусот.
– Премиерот седеше во автомобилот на директорот на трката „Тур де Франс“, Кристијан Прудом во саботата и заеднички ја следеа осмата етапа што се возеше на Пиринејите. И двајцата носеа маска и ги почитуваа правилата за дистанца, соопштија од неговиот Кабинет, дополнувајќи дека тој веднаш ќе биде тестиран.
Премиерот, кој беше гостин на Т„ур де Франс“ во саботата, е меѓу „случаите на контакт” на директорот на трката, Кристијан Прудом, кој е позитивен на Ковид-19.
– Физички се чувствувам совршено. Јас ќе продолжам, со придржување кон мерките, да ја извршувам функцијата во Владата. , увери премиерот од Бискарос, каде зборуваше во рамки на парламентарните денови на партијата „Модем“.
Францускиот претседател Емануел Макрон не исклучи можност за одложување на владиниот семинар закажан за в среда или, пак, тој да се одржи „преку видео врска со премиерот и можните други случаи на контакт”, доколку Ковид тестот на Кастерс биде позитивен.
– И ние го правиме она што го бараме од сите сограѓани да го сторат, доколку бидат идентификувани како контакт случај, подвлече Макрон.