Шест години „црвените ѓаволи“ чекаат на нова премиерлигашка титула, а според стартот и сезонава најверојатно нема да ја остварат целта.

Но, Оле Гунар Солскјер не е загрижен. Тој го коментираше претстојното дерби од деветтото коло во Премиер лигата кое ќе се игра денеска на „Олд Трафорд“ од 17.30 часот.

– Сигурен сум дека ќе ја освоиме лигата во блиска иднина, сигурно нема да чекаме 30 години. Добар резултат против Ливерпул може сè да промени, да влијае на целата сезона. Можеби моите играчи не веруваат доволно во себе, можеби им недостасува самодоверба. Но, без грижа, знам дека се доволно добри – рече Солскјер.

Ливерпул кој одличен стар од осум победи и максимални 24 бода (дури 15 повеќе од Јунајтед на 14 позиција) и од „Енфилд“ веруваат дека ова е моментот конечно после 30 години повторно да се искачат на тронот.

Норвешкиот стратег додаде дека со реми не би бил задоволен, и дека отсуството на Давид Де Хеа ќе биде хендикеп, но…

– Секако дека прво помислувате, играме без Давид, тоа е проблем. Но, Серхио Ромеро тренира добро и е подготвен за настап.