Денеска нови шпекулации околу иднината на францускиот репрезентативец кој повторно се поврзува со трансфер во редовите на Јувентус.

Пол Погба би можел во текот на летниот период да го напушти Манчестер јунајтед и да се врати во својот поранешен клуб Јувентус.

Мино Рајола го најави заминувањето на Погба од „Олд Трафорд“, а тоа го потврди и во разговорите со челниците на италијанскиот шампион.

Ole Gunnar Solskjaer Fires Warning to Mino Raiola & Insists Paul Pogba Wants to Play for Man Utd https://t.co/KYrCuw3u5Z #MUFC #ManUTD #ManchesterUnited pic.twitter.com/Um7jD5uDqd

— Man Utd Fans (@manutdnewsonly) February 17, 2020

– Погба ќе се обиде да даде сè од себе до крајот на сезоната, а потоа ќе видиме како понатаму. Активни се разговорите со првите луѓе на Јуве, но не само за Погба, туку и за други играчи. За Погба има интерес од повеќе екипи, но тој сега е член на Јунајтед – вели Рајола.

Според „Дејли Мејл“, Французинот се очекува брзо да се врати на терените, вредно работи на физички план.

Истиот извор пишува се очекува неговото враќање да се случи на крајот од февруари, а можно е да биде подготвен за градското дерби против Манчестер сити на 8. март.

На ваквите шпекулации околу статусот на фудбалерот одговори менаџерот на „црвените ѓаволи“, Оле Гунар Солскјер:

– Ништо не сум зборувал околу иднината на Погба. Тој е наш играч, не е на Рајола. Можам само да кажам дека веднаш штом се опорави целосно, повторно ќе биде во составот за настап, а верувам дека и тој истото го посакува – вели норвешкиот стратег.

Француската фудбалска ѕвезда досега има само седум лигашки натпревари за клубот оваа сезона и се мачи со повреда на глуждот од октомври 2019 година.