Британските медиуми велат дека Погба побарал од првите луѓе на клубот да си замине ова лето, но „проблемот“ е тоа што нема стигнато ниту една официјална понуда.

Од друга страна, пак, „црвените ѓаволи“ со сите сили се обидуваат да го задржат својот играч, но тоа нема да биде лесно.

Тоа што е сигурно дека Погба нема да си замине, се додека тимот од „Олд Трафорд“ не пронајде идеална замена.

Јунајтед ја процени вредноста на нивниот фудбалер на 180 милиони евра, а еве ги и зборовите на менаџерот Солскјер за случајот „Погба“:

– Секако дека разговарав со Пол и верувајте јас сум често во контакт со него. Колку што сум запознаен со ситуацијата, ниту една понуда не стигнала за кој било од нашите играчи. Ние сме Манчестер јунајтед и ние не мораме да продаваме играчи – вели Солскјер.