Пол има силен карактер и тоа што се случи ќе го направи посилен. Солскјер зборувал со Французинот, тој е добар. Но, Норвежанецот не може да поверува дека во 2019 година сè уште се зборува за овие работи.

– Како што рече Мегваер, Твитер и социјалните мрежи се место каде што луѓето можат да се кријат. И не можам тоа да го сменам. Има толку многу Солскјер на Твитер, и знам дека не сум јас. Ние мора да направиме нешто против оние кои ја шират оваа омраза. Жал ми е за овие луѓе – тие имаат големи проблеми – вели норвешкиот стручњак.

Пол Погба беше изложен на навреди преку социјалните мрежи по натпреварот со Вулверхемптон (1:1). Не реализираше пенал и пропушти да му донесе победа на неговиот клуб.

Летово се шпекулираше дека е можно да си замине од Англија и се пресели во редовите на Реал Мадрид.

Денеска од 16.00 часот „црвените ѓаволи“ ќе го играат третиот премиерлигашки меч сезонава на „Олд Трафорд“ против Кристал Палас.