Солскјер му одговори на Ван Перси: Јас не живеам во средниот век! (ВИДЕО)
Поранешната холандска ѕвезда понекогаш сака Норвежанецот да биде и лут, фудбалерите да почувствуваат „страв“ од менаџерот.
Менаџерот на „црвените ѓаволи“ веднаш реагираше на критиките од поранешниот напаѓач на Арсенал и Манчестер јунајтед, Робин ван Перси.
Јунајтед загуби со 2:0 на „Емирати“ стадионот од Арсенал, а поранешниот холандски репрезентативец Ван Перси анализираше за „БТ Спортс“ и го коментираше особено норвешкиот стратег.
"He took my number 20 and that’s probably all he’s going to take from me as well…”
Ole Gunnar Solskjaer has hit back at Robin van Persie's criticism of him ?#bbcfootball #mufc pic.twitter.com/HucwpitCQg
— Match of the Day (@BBCMOTD) January 3, 2020
– Кога го слушам Оле, ми звучи како еден добар човек. Но, би сакал и да го гледам понекогаш и лут. Беше насмеан после тој пораз на Јунајтед во дербито, а тоа не е момент за насмевки – рече Ван Верси, а потоа додаде:
– На Јунајтед му е потребен план за игра и малку „страв“ од менаџерот. Треба да знаат дека доколку не истрчаат како треба или не додадат како треба, ги чека казна и дека нема да играат во наредниот натпревар.
Два дена подоцна на ваквите коментари реагираше менаџерот на Манчестер јунајтед. Своевремено Ван Перси го носеше бројот 20 на „Олд Трафорд“, исто како и Солскјер.
– Не го знам Робин и тој не ме знае мене. Тој веројатно нема право да го критикува мојот начин на гледање на натпреварите и тоа дефинитивно нема да се промени. Го зеде мојот број 20 и тоа е веројатно сè што ќе земе од мене…бидејќи јас не живеам во средниот век – вели Солскјер.