Ќе продолжиме со нашите активности во парламентот во координација со сите пратеници и пратенички групи коишто ги поддржуваат нашите барања, велат од Сојузот на средношколци. Од утре продолжува со бојкот на наставата поради барањата за измени во концептот за полагање државна матура, со кои бараат да полагаат два наместо четири предмети. Од Сојузот информираат дека ваква одлука донеле по синоќешната вонредна седница на Генералното собрание.

„Исто така, наша делегација претходно одржи средба со неколку пратеници од пратеничката група на ВМРО-ДПМНЕ. На средбата тие ја потврдија нивната поддршка за нашите барања. Бевме информирани дека ќе започнат со иницијатива за организирање на јавна расправа во понеделник и подготовка на законски измени“, велат од Сојузот на средношколци.