Софија Вергара: Премногу сум убава за да играм улоги на обична жена
Софија Вергара (48) е една од најплатената актерка во светот. Сепак, таа се жалеше дека е „премногу убава за посериозни улоги“. Иако на крајот се прослави и збогати со улогата во серијата „Modern Family“, Софија допрва треба да се соочи со „сериозна улога“.
Актерката пред неколку години истакна дека во младоста сфатила дека успехот во бизнисот бара „витка фигура“ и „убав изглед“, но ако ги имате тие два квалитети, тоа може да се покаже како меч со две острици.
„Поради мојот изглед, не можам да играм некоја обична девојка. Затоа се обидувам да најдам улоги во кои ќе можам да го искористам изгледот, но и талентот“, изјави Вергара.
Прекрасните облини по кои е позната несомено ѝ помогнаа да се пробие на филмската сцена, но како што вели таа имало и многу непријатни моменти.
„Бев многу слаба и имав големи гради. Ме прогонуваа мажи и ми беше тешко“, вели Софија.
Оваа година Вергара е на врвот на листата на „Forbеs“ за најплатени актерки во светот, водечки телевизиски актерки во годинината кога кино салите се во криза.
Актерката, која во моментов е член на жирито во шоуто „America’s Got Talent“, заработила неверојатни 43 милиони долари во последните 12 месеци, благодарение на нејзини професионални ангажмани.